उफ्…यो गर्मी !

नयाँ दिल्ली, जेष्ठ १८ – भारतमा अत्याधिक गर्मीका कारण हालसम्म २ हजार बढीको ज्यान गइसकेको छ । केही दिनयता गर्मीको पारोले भारतका विभिन्न सहर ४७ डिग्री नाघेको छ । चाहे दिल्ली होस् या मुम्बई गर्मीको मार सबैतिर एकै छ । यसले मानिसहरूलाई मात्र होइन जनावरलाई समेत हायल कायल बनाएको छ ।

दिउसो बाहिर निस्कन सक्ने अवस्था छैन । निस्की हाल्न परे मानिसले गर्मीबाट जोगिन विभिन्न उपाय गर्ने गरेका छन् । चिसो पानीले मानिसलाई राहत दिने गरेको छ । गर्मीको मारलाई भारतमा रहेका रोयटर्सका फोटोग्राफरले आफ्नो लेन्समा यसरी कैद गरेका छन् ।