Birgunj News
साढे चौध लाख रुपियासँगै एकजना भारतीय पक्राउ
प्रस, वीरगज, १९ पुस/
वीरगंज, रजतजयन्ती चोकबाट प्रहरीले रु १४ लाख ५० हजारसहित एकजना भारतीयलाई पक्राउ गरेको छ । जिल्ला प्रहरी कार्यालय, पर्साको क्राइमटोलीले भारत, रक्सौल–९ घर भएका राजेशकुमार साहलाई रजतजयन्ती चोकबाट हिजो अपराह्न पक्राउ गरेको हो ।
पक्राउ परेका साहको साथबाट स्रोत खुल्न नसकेको नेपाली हजार र पाँच सयको नोट गरी १४ लाख ५० हजार रुपियाँ बरामद भएको पर्साका प्रहरी नायब उपरीक्षक चक्रराज जोशीले बताए ।
विशेष सुराकीको आधारमा जिल्ला प्रहरी कार्यालय पर्साबाट खटेको अपराध अनुसन्धान विशेष टोलीले साहलाई नेपाली रुपियाँसहित पक्राउ गरेको हो ।
पक्राउ परेका साहलाई जिल्ला प्रहरी कार्यालय, पर्सामा राखेर थप अनुसन्धान भइरहेको प्रहरी नायब उपरीक्षक जोशीले बताए ।
-Prateek daily-
प्रतिक्रिया लेख्नुहोस