जग्गादाता सहनी सम्मानित

जीतपुर, ९ माघ – पर्साको मधवन मथवल गाविसस्थित उपस्वास्थ्य चौकी मधवल मथवललाई जग्गादान गर्ने दाता लक्ष्मण सहनी सम्मानित भएका छन् ।

शनिवार नेपाल राष्ट्रिय माध्यमिक विद्यालय सियरहीको प्रा·णमा आयोजिता विशेष समारोहमा दाता सहनीलाई नागरिक सम्मान गरिएको हो । उनले स्वास्थ्य चौकी भवन निर्माणका लागि ६ कट्ठा सात धुर क्षेत्रफलको घडेरी जग्गा दान गरेका छन् ।

कार्यक्रमका सभापति तथा समाजका अगुवा मधुवल मथवल गाविसका निवर्तमान अध्यक्ष लालदेव महतो उरावले सहनीलाई दोसल्ला ओढाएर सम्मान गरेका थिए ।

सो अवसरमा बारा उद्योग वाणिज्य सङ्घ शाखा जीतपुरका अध्यक्ष घनश्याम गिरीले सहनीलाई फूलको गुच्छा प्रदान गर्दै अभिनन्दन गरेका थिए ।

कार्यक्रमका वक्ताहरूले स्वास्थ्य चौकी भवन निर्माणका लागि लाखौं मूल्यको घडेरी जग्गा दान गर्नु समाजसेवाप्रति सहनीको उल्लेखनीय तथा कदरयोग्य प्रशंसनीय काम भएको बताए ।

शिक्षक राधेश्याम पटेलले सहजीकरण गरेको कार्यक्रममा नेपाल राष्ट्रिय माध्यमिक विद्यालय सियरहीका प्रधानाध्यापक भागवतप्रसाद थारू, छिमेकी गाविस बागवान्नाका निवर्तमान अध्यक्ष बृजमोहन चौधरी, नेपाल राष्ट्रिय माध्यमिक विद्यालय सियरहीका निवर्तमान अध्यक्ष ऋतनारायण चौधरी, भोलेशड्ढर निमावि औराहा रेञ्जका प्रअ चाँदकेश्वर भण्डारी, स्थानीय समाजसेवीहरू महेश ओझैया, छोटेलाल पञ्जियार, शिवनाथदास थारू, नवराज कँडेललगायतले सहनीको प्रशंसा गरेका थिए ।
-Prateek Daily-