प्रेम गीतमा देखियो पुजा शर्माको यस्तो जवानी (भिडियो)

काठमाडौं। गीत संगीत तथा ट्रेलरबाट राम्रो प्रतिकृया पाएको चलचित्र ‘प्रेम गीत’को नयाँ गीत सार्वजनिक भएको छ । प्रेम दिवसको अवसरमा आउदो माघ २९ गतेबाट अल नेपाल रिलिजको तयारीका साथ प्रचार प्रसारमा रहेको प्रेम गीतको ‘जब पुग्छु रिभर साइड’ बोलको गीतको म्यूजिक भिडियो सार्वजनिक गरिएको हो ।

उक्त गीतमा नायिका पुजा शर्मालाई उन्मत्त जवान केटीका रुपमा प्रस्तुत गरिएको छ । गीतमा उनीसँगै अन्य धेरै कलाकारले कोरस नृत्य प्रस्तुत गरेका छन् ।

प्रेम गीतको सार्वजनिक गीतमा शब्द तथा संगीत पछिल्लो पुस्ताका निक्कै नै लोकप्रिय संगीतकार अर्जुन पोखरेलको रहेको छ । अर्जुन पछिल्लो समय धेरैले मन पराएका राम्रो संगीत गर्ने संगीतकार मध्येमा पर्छन ।

रेनशा वान्तवा राईको कोरियोग्राफी रहेको सार्वजनिक गीतमा स्विमिङ पुलदेखि लरीसम्मका दृश्यहरु अटाएका छन् । नायिका शर्मालाई सार्वजनिक गीतमा छोटा पहिरनमा प्रस्तुत गरिएको छ । प्रेम गीतमा नायिका पूजा शर्मा र नायक प्रदीप खड्का प्रेमील जोडीका रुपमा देखिदै छन् ।

-Medianp-