तीन बजेसम्म ५५ प्रतिशत मतदान

काठमाडौं–आइतबार ३२ जिल्लामा भएको पहिलो चरणको प्रतिनिधिसभा तथा प्रदेशसभा सदस्य निर्वाचनमा अपरान्ह तीन बजेसम्म ५५ प्रतिशत मतदान भएको निर्वाचन आयोगले जनाएको छ ।
आयोगका अनुसार ३२ जिल्लाका ३७ प्रतिनिधिसभा तथा ७४ प्रदेशसभा निर्वाचन क्षेत्रमा शान्तिपूर्ण रुपमा मतदान भइरहेको छ ।
३२ जिल्लामा भइरहेको निर्वाचनमा चार हजार ४६५ मतदान केन्द्र तोकिएका छन् । पहिलो चरणको निर्वाचनमा ३१ लाख ९१ हजार ९४५ मतदाता रहेका छन् ।

आज मतदान भइरहेका नुवाकोट, धार्दिङ, सिन्धुपाल्चोक बागलुङ र गोरखामा दुई प्रतिनिधिसभा निर्वाचन क्षेत्र रहेका छन् भने बाँकी जिल्लाहरुमा एक मात्रै निर्वाचन क्षेत्र छन् ।