सरोबर सिङ्गीङ स्टार सेमिफाईनलमा ५ छनौट

हेटौँडा – रेडियो सरोबर ९२.५ मेगाहर्जको आयोजना र नारायणी मल व्यवसायी संघको प्रायोजनमा सुरु भएको गायन प्रतियोगिता ‘सरोबर सिङ्गीङ स्टार २०७२’ को सेमिफाईनल राउण्ड सकिएको छ ।सोमबार नारायणी मलमा भएको प्रतियोगितामा उत्कृष्ट ५ प्रतिस्पर्धीहरु अन्तिम चरणका लागि छानिएका छन् । उत्कृष्ट ५ मा बिपना मोक्तान, दिपेश श्रेष्ठ, सुसन शाही ठकुरी, सुरज भोलन र स्वस्तिका ढकाल छानिएका हुन् । प्रतियोगिताबाट सुनिता अर्याल र राजु श्रेष्ठ ‘राजगोपाल’ बाहिरीएका छन् ।

चर्चित गायक रामचन्द्र काफ्ले, मकवानपुरका चर्चित गायक तथा संगितकर्मी कृष्ण गोपाल सिंह, संगितकर्मी पूर्णविक्रम अधिकारी र युवा गायक अञ्जन दाहालको निर्णायक टोलीले उत्कृष्ट ५ छनौट गर्नुभएको थियो ।

साथै नारायणी मलले नयाँ वर्षको अवसरमा गरेको सांगितिक कार्यक्रममा गायक रामचन्द्र काफ्ले, अञ्जन दाहाल, पि.एम. सेन्टर लगायत अन्य टोलीले सांगितिक प्रस्तुति रहेको थियो । कार्यक्रममा द डायनामिक क्रियुको बिबोईङ डान्स् र सृजना कला केन्द्र तथा ओपेरा ईन्फोटेन्मेन्ट प्रालिको नृत्य समेत प्रस्तुत गरिएको थियो ।
-चन्द्र घलान-