नेपाली कलाकारलाई कला देखाएरै जीविकोपार्जन गर्न समेत समस्या पर्छ। त्यसैले आफ्नै कमाइबाट अरू भौतिक सुविधा जोडेपछि धेरथोर चर्चा गर्नेपर्ने हुन्छ। पछिल्लो समय सबैभन्दा धेरै व्यस्त भइरहेकी अभिनेत्री प्रियंका कार्कीले आफ्नै कमाइले कार किनेकी छिन्।
फिल्म क्षेत्रमा फर्किएको केही वर्षमै धेरै फिल्ममा अभिनय गरे पनि उनका हिट फिल्म भने निकै कम छन्। तर, फिल्मको असफलताले उनको आम्दानी र व्यस्ततामा भाँजो हाल्न भने सकेको छैन। उनले केही दिनअघि मात्रै आफ्नै कमाइले मर्सिडिज कार किनेकी हुन्।
झन्डै आधा करोड मूल्यमा उनले कार किनेको बताएकी छिन्। उनले फिल्मको आम्दानीले मात्रै कार किनेकी भने होइनन्। स्टेज कार्यक्रम, विज्ञापन, देश तथा विदेशमा आयोजना हुने विभिन्न कार्यक्रममा प्रस्तुति दिएबापत पाउने पारिश्रमिकले कार किनेको उनी आफ्ना निकटवर्तीलाई बताइरहेकी छिन्।
प्रतिक्रिया लेख्नुहोस